ឯកឧត្តម អ៊ឹង លាងហ៊ួ បាននាំយកនូវទេយ្យវត្ថុជាគ្រឿងឧបភោគបរិភោគ និងបច្ច័យ ទៅប្រគេនព្រះសង្ឃគង់នៅវត្តខេមវ័ន្តហៅវត្តខ្សាម ស្ថិតក្នុងភូមិខ្សាម សង្កាត់ខ្សាម ក្រុងកំពង់ឆ្នាំង ខេត្តកំពង់ឆ្នាំង
ព្រឹកថ្ងៃព្រហស្បតិ៍ ៩កើត ខែចេត្រ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី៣០ ខែមីនា ឆ្នាំ២០២៣ ឯកឧត្តម អ៊ឹង លាងហ៊ួ សមាជិកគណ:កម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៧ និងលោកជំទាវ បាននាំយកនូវទេយ្យវត្ថុជាគ្រឿងឧបភោគបរិភោគ និងបច្ច័យ ទៅប្រគេនព្រះសង្ឃគង់នៅវត្តខេមវ័ន្តហៅវត្តខ្សាម ស្ថិតក្នុងភូមិខ្សាម សង្កាត់ខ្សាម ក្រុងកំពង់ឆ្នាំង ខេត្តកំពង់ឆ្នាំង នាឱកាសឆ្លងឆ្នាំចាស់ ផ្លាស់ចូលឆ្នាំថ្មី នៅពេលឆាប់ៗខាងមុខនេះ ដោយបានធ្វើពិធីបង្សុកូល ដើម្បីឧទ្ទិសកុសលជូនដល់ដួងវិញ្ញាណក្ខន្ធបុព្វការីជន មានមាតាបីតា ជីដូន ជីតា គ្រូបាអាចារ្យ ញាតិការ៧សន្ដាន និងដួងវិញ្ញាណក្ខន្ធវីរ: យុទ្ធជន យុទ្ធនារី អ្នកស្នេហាជាតិ ដែលបានពលីក្នុងបុព្វហេតុការពារជាតិមាតុភូមិ ព្រមទាំងព្រះវិញ្ញាណក្ខន្ធព្រះសព ព្រះបាឡាត់គណខេត្ត ដែលទើបទទួលអនិច្ចធម្មនាពេលថ្មីៗនេះ កំពុងតំកល់ធ្វើបុណ្យតាមប្រពៃណីព្រះពុទ្ធសាសនានៅក្នុងវត្ត។
